Primary Menu

Top Menu

உதயநிதியுடன் ஜோடி சேரும் அதிதிராவ்!!!

‘காற்று வெளியிடை’ படத்தை இயக்கிய மணிரத்னம் படத்தில் நாயகியாக நடித்த அதிதிராவ், தற்போது உதயநிதிக்கு ஜோடியாக நடிக்கவுள்ளார்.

 

நடிகர் உதயநிதி ஸ்டாலின் தற்போது ‘கண்ணே கலைமானே’ படத்தில் நடித்து முடித்துள்ளார். இந்தப் படத்தில் நடிகை தமன்னா உதயநிதிக்கு ஜோடியாக நடித்துள்ளார்.

 

மேலும் படத்தில் வடிவுக்கரசி, ஷாஜி, வசுந்தரா கஷ்யப் உட்பட பலர் நடித்துள்ளனர். இந்தப் படத்தை சீனு ராமசாமி இயக்கியுள்ளார்.

 

இந்தப் படத்திற்கு யுவன் இசையமைத்துள்ளார். இந்தப் படத்தை உதயநிதி ஸ்டாலினின் ரெட் ஜெயண்ட் மூவிஸ் நிறுவனம் தயாரித்துள்ளது.

 

தற்போது இந்தப் படத்தின் வெளியீட்டு வேலைக்கான பணிகள் நடைபெற்று வருகின்றன. இந்தப் படத்தை அடுத்து உதயநிதி ஸ்டாலின், ஈனாக் இயக்கத்தில் ஒரு படத்தில் நடிக்க இருந்தார்.

 

இந்தப் படத்தில் நடிகைகள் பிரியா பவானி சங்கரும், இந்துஜாவும் உதயநிதிக்கு ஜோடியாக நடிக்க ஒப்பந்தமாகியிருந்தனர். இந்நிலையில் திடீரென்று இந்தப் படம் தற்போது நின்று போனது.

 

இந்நிலையில், உதயநிதி ஸ்டாலின், மிஷ்கின் இயக்கத்தில் நடிக்க முடிவு செய்துள்ளார். இந்தப் படத்தில் உதயநிதிக்கு ஜோடியாக மணிரத்னம் இயக்கிய ‘காற்று வெளியிடை’ படத்தில் அறிமுகமான நடிகை அதிதிராவ் நடிக்கிறார்.

 

நடிகை அதிதிராவ் மேலும் ‘செக்கச் சிவந்த வானம்’ படத்திலும் நடித்து வருகிறார் என்பது குறிப்பிடத்தக்கது.

 

Leave a Reply